អ្នកអាចស្វែងរកមេរៀនដែលត្រូវសិក្សា នៅទំព័រដើមនៃវេបសាយ ឬចូលទៅកាន់ Menu “មេរៀន”។

នៅក្នុងបញ្ជីមេរៀន អ្នកអាចចុចលើចំនងជើងមេរៀន ឬប៊ូតុង “ទាញយក” ដើម្បីចូលទៅកាន់មេរៀនណាមួយ។ នៅក្នុងនោះអ្នកក៍នឹងឃើញមានប៊ូតុង “ធ្វើតេសត្ត” ដែលអាចអោយអ្នកធ្វើតេស្តសាកល្បងចំនេះដឹងរបស់អ្នក លើមុខវិជ្ជានីមួយៗ។

អ្នកអាចធ្វើតេស្តសាកល្បងចំនេះដឹងរបស់អ្នកលើមេរៀនណាមួយ ដោយចូលទៅកាន់បញ្ជីមេរៀន រួចចុចលើប៊ូតុង “ធ្វើតេស្ត” ឬចូលទៅកាន់បញ្ជីនៃការធ្វើតេស្ត។

តាមរយៈបញ្ជីនៃការធ្វើតេស្តខាងលើ អ្នកអាចចូលមើលលទ្ធផលនៃការធ្វើតេស្តនីមួយៗរបស់អ្នក ដោយចុចលើចំនងជើងមេរៀន។ ចំពោះតេស្តណាដែលអ្នកមិនទាន់បានបញ្ចប់ អ្នកអាចធ្វើបន្តទៀតដោយចុចលើប៊ូតុង “បន្ត” ហើយអ្នកក៍អាចធ្វើតេស្តម្តងទៀតលើតេស្តដែលអ្នកមិនទាន់បានធ្វើចប់ ដោយចុចលើប៊ូតុង “ម្តងទៀត”។

ក្រោយពីអ្នកបានចុចប៊ូតុងធ្វើតេស្ត អ្នកនឹងឃើញសំណួរជ្រើសរើសដែលរៀបចំដោយប្រព័ន្ធ ដោយអនុញ្ញាតអោយអ្នកឆ្លើយបានម្តងមួយសំណួរ។ ក្នុងនោះអ្នកក៍នឹងឃើញចំនួនសំណួរសរុបដែលអ្នកត្រូវឆ្លើយ លេខរៀងសំណួរដែលអ្នកកំពុងឆ្លើយ និងរយៈពេលដែលអ្នកកំពុងប្រើសម្រាប់ការធ្វើតេស្តនោះ។

ក្រោយធ្វើការជ្រើសរើសចម្លើយរួច អ្នកត្រូវចុចប៊ូតុង “សំណួរបន្ទាប់” ដើម្បីបន្តទៅកាន់សំណួរបន្ទាប់ទៀត។ ក្រោយពីបានឆ្លើយគ្រប់សំណួរទាំងអស់ ប្រព័ន្ធនឹងបង្ហាញលទ្ធផលនៃការធ្វើតេស្តរបស់អ្នកភ្លាមៗ ឬចូលទៅកាន់បញ្ជីនៃការធ្វើតេស្ត ដើម្បីមើលលទ្ធផលនៃការធ្វើតេស្តផ្សេងទៀតរបស់អ្នក ។

1. ទំរង់ចុះឈ្មោះអនឡាញ (Online Registration)

 ក្រោយពីទទួលបានលទ្ធផលនៃការធ្វើតេស្ត / ប្រឡងជាប់ មគ្គុទេសក៏ទេសចរណ៏ត្រូវចុះឈ្មោះដើម្បីទទួលបានវិញ្ញាបនបត្រតាមអនឡាញ

ប្រសិនបើអ្នកចាំ License ID មគ្គុទេ្ទសក៍ទេសចរណ៍របស់អ្នក អ្នកគ្រាន់តែបំពេញប្រអប់ License ID នោះព័ត៌មានរបស់អ្នកនឹងទាញយកមកបង្ហាញក្នុងប្រអប់ព័ត៌មានដទៃទៀតដែលអ្នកអាចធ្វើការកែសម្រួលព័ត៌មានទាំងនោះបាន។ អ្នកក៏តម្រូវអោយកំនត់ពាក្យសម្ងាត់សម្រាប់គណនីរបស់អ្នកផងដែរ។ ប៉ុន្តែប្រសិនបើអ្នកមិនចាំ License ID របស់អ្នកទេ សូមកុំបំពេញប្រអប់នេះ។ ប្រអប់ដែលមានសញ្ញា (*) គឺត្រូវតែបំពេញ ហើយប្រអប់ដែលគ្មានសញ្ញានេះ អ្នកចង់បំពេញក៏បាន ឬមិនបំពេញក៏បាន។

ប្រព័ន្ធតម្រូវអោយអ្នកបំពេញអ៊ីម៉ែលរបស់អ្នកទៅក្នុងទំរង់ចុះឈ្នោះ ដើម្បីធ្វើការផ្ទៀងផ្ទាត់គណនីរបស់អ្នក និងដើម្បីផ្តល់ព័ត៌មានផ្សេងៗដល់អ្នក។ ដើម្បីផ្ទៀងផ្ទាត់គណនីរបស់អ្នក អ្នកត្រូវចូលទៅពិនិត្យប្រអប់ Inbox ឬ Spam នៃអ៊ីម៉ែលរបស់អ្នក ក្រោយពីអ្នកបានចុចលើប៊ូតុង “ចុះឈ្មោះ”។

នៅពេលដែលអ្នកបានទទួលអ៊ីម៉ែលដែលផ្ញើរដោយប្រព័ន្ធវិក្រិត្យការ អ្នកនឹងឃើញការណែនាំដើម្បីដាក់ដំណើរការ គណនីរបស់អ្នក។ សូមចុចលើ Link ដែលបានបង្ហាញលើសារនោះ។ ក្រោយពីចុចលើ Link នោះ អ្នកនឹងត្រូវបានបញ្ជូនបន្តមកកាន់គេហទំព័រនៃប្រព័ន្ធវិក្រិត្យការ និងបញ្ជាក់ថាគណនីរបស់អ្នកត្រូវបានដាក់អោយដំណើរការដោយជោគជ័យ។

បន្ទាប់ពីអ្នកបានActivated Link រូច អ្នកនឹងអាចចូលទៅប្រព័ន្ធតាមរយះការ​ Login Account ដែលបានបង្កើតនោះ​​។